Fake Jobs In India | Full Information About Fake Jobs | Online Fraud Jobs

Job Scam In India | Fraud Jobs In India

Hello Friends, I Hope Aap Sab Theek Honge Aaj Ki Post Freshers Jo Job Search Kar Rahe Hai aur Experience Wale Log Jo New Jobs Search Kar Rahe Hai Unke Liye Hogi.

"Aaj Main Jo Bataunga Uss Baat Se Kaafi Logon Ko Fayda Hoga"

Job Scam in Mumbai, Delhi, Maharashtra or All Over India ya Shayed Puri Duniya Mein Bohat Teezi Se Increase Ho Raha Hai, Mere Kaafi Dost Inhi Job Scam Ka Target Bane Hai aur Main Chahta Hu Ke Aage Koi Bhi Inn Job Scam Ka Shikar Na Bane, Please Meri Iss Post Ko Pura Padhna aur Ho Sake Toh Apne Doston Ke Saath Isse Share Karna Taake Wo Log Kabhi Bhi Aise Scam Ka Shikar Na Bane.

Job Scam

★ Apne Agar Indeed, Naukri.com, Quicker or Olx Pe Job Ke Liye Apply Kiya ya Apne Waha Se Company Ka Number Leke Call Kiya Company Mein Toh Wo Apko Bolenge Ke Apko TeleCalling ya Data Entry Mein Job Milegi ya Call Center Mein aur Apko 14k se 22k Tak Salary Milegi aur Koi Experience Required Nahi Hai Ye Job Sirf Freshers Ke Liye Hai ya Freshers Bhi Apply Kar Sakte Hai.



Doston Dekho Yaar TeleCalling, Call Center ya Data Entry Mein Itni Salary Freshers Ko Nahi Milti Hai, aur Agar Milti Bhi Hai Toh Usmein English Excellent Rehna Chahiye Lekin Fir Bhi Itni Salary Starting Mein Nahi Milti Hai Maximum 13k to 13.5k Milti Hai Lekin Iske Liye English Bolne aur Likhne Bohat Acche Se Aana Chahiye.

Also Read : Android Phone Ko Root Kaise Karein

Jab Aap Interview Ke Liye Jaoge Toh Apse Interview Hindi Mein Liya Jayega aur Ye Sabse Bada Point Hai Iss Job Ke Fake Hone Ka.

Apse Kahenge Ke Registration Fees 500/- Rupees Hai aur 1 Day Training Ke Charges 1000/- Hai Jo Ke Apko Apki 1st Month Salary Mein Return Add Hoke Mil Jayegi aur Apko Job Bhi Training Ke Next Day Mil Jayega.

Fir Aap Unko Paise Pay Kardoge aur Training Ke Liye Jaoge aur Training Ke Naam Pe 3 se 4 Hours Ki Ek Class Lenge Jismein "Job Interview" Ke Liye Kaise Preparation Kare Wo Batayenge ya Fir "Call Center, TeleCalling and Data Entry" Ki Jobs Mein Kis Type Ka Kaam Apko Karna Rehta Hai Ye Batayenge.



Fir Aap Jab Training Leloge Toh Apko Training Ke Baad Bolenge Kal Aap Call Karna aur Apko Job Location Bata Diya Jayega, Aap Jab Next Day Call Karoge Toh Apko Firse Puchenge Ke Aapne Kis Profile Ke Liye Apply Kiya Tha aur Apko Kis Location Pe Job Chahiye, Aap Unko Puri Details Doge aur Wo Bolenge Ke Apko Kuch Der Baad Ek Address Ayega aur Apko Next Day Waha Jaake Interview Dena Hai.

Also Read : WhatsApp Dark Mode

Aap Jab Next Day Interview Ke Liye Jaoge Toh Apka Interview Lenge aur Aisa Kaho Ke Bas Naam Ka Interview Lenge aur Uske Baad Apko Kahenge Ke Shaam Tak Apko Call Aajayega Ke Aap Select Huye Ho ya Nahi.

Aap Shaam Tak Wait Karoge aur Apko Koi Call Nahi Ayega, Fir Aapne Jaha Job Karne Ke Liye Paise Pay Kiye They Aap Usko Call Karenge aur Wo Apko Bolenge Ke Apko Ek Address Ayega aur Apko Waha Kal Interview Ke Liye Jaana Hai aur Wo Log Aap Ko Aise Hee Address Send Karte Rahenge aur Apko Interview Ke Liye Baar Baar Jaana Padega aur Aise Kar Ke Apka 1 Month to 3 Months Waste Kar Denge aur Apko Koi Job Nahi Milegi, Apka Paisa Bhi Gaya aur Traveling Mein Jo Paise Lage Wo Bhi Gaye.

Also Read : Ye Log WhatsApp Delete Karna Chahtein Hai

Aapne Jaha Job Ke Liye Paise Diye Ho, Aap Agar Waha Jaake Paise Mangoge Return Toh Wo Aapko Bolenge Ke "Sir Apne Agreement Sign Kiya Tha Ke Ye Paise Jo Aap Registration aur Training Ke Liye De Rahe Ho Wo Wapas Nahi Honge" aur Wo Apse Registration Fees Lete Time Ek Agreement Paper Pe Sign Mangte Hai.

Toh Sidhi Baat Ye Hai Ke Jis Job Mein Apko Job Karne Se Pehle Registration Fees, Training Fees ya Kisi Bhi Tarha Ka Charges Mange Wo Job Fake Hai Fraud Hai.

Haa Kabhi Kabhi Kuch Logon Ko Aisi Jagah Se Job Mil Jaati Hai Lekin Usmein Salary Apko Bohat Kam Milegi Jaise Ke 8,000 aur 7,000 aur Wo Log Kehte Hai ke 14,000 se 22,000 Tak Milegi.

Earn Money Online Job Scam

Aap Jab Quicker, Naukri.com, Indeed ya Olx Pe Job Apply Karte Ho ya Sirf Naukri.com, Quicker Pe Account Bana Ke Rakhte Ho aur Usmein Job Search Karte Rehte Ho Toh Apke Number Pe SMS Ayega aur Likha Rahega "Earn 1,000 to 1,200 in One Day, Online Data Entry Jobs, Online Survey Job, Online Writing Job and Etc. Please Call Me on This Number For More Information +91-1234567890".

Ab Aap Dekhoge Ke Online Job Hai Din Bhar Mein Agar 1,000 Nahi Toh Kamse Kam 500 Toh Kama Hee Sakte Hai, Chalo Call Kar Ke Puch Lete Hai, Aap Jab Call Karoge aur Details Mangoge Toh Wo Bolenge Ke Sir, Aap Yaha Se Din Bhar Mein 1,000 se 2,000 Tak Bhi Kama Sakte Ho aur Ye Bohat Easy Job Hai Lekin Sir Iske Liye Apko 1,500 Registration Fees Pay Karni Hogi aur Aap Jaise Hee Pay Karoge ScreenShot Leke Hamari Email Id Pe Send Kar Dena aur Apko 24 Hours Ke Ander Job Mil Jayegi, Aap Sochoge Ke 1,500 Pay Karunga aur 2 Din Mein 2,000 Kama Lunnga Aap Pay Kardoge aur Reality Ye Hai Ke Wo Log Convince Karne Mein aur Bewakoofiyaan Bananein Mein Expert Hote Hai, Isliye Day by Day Kaafi Log Aisi Fake Job Mein Fas Jaatey Hai aur Unke Paise Kharab Hojate Hai.

Also Read : Wifi Ke Password Ko Kaise Hack Kare

Ab Aap Jab Unko Pay Karoge Toh Wo 24 Hours Ke Ander Apko 10 se 15 PDF Files Send Karte Hai aur Unn PDF File Mein "Online Data Entry, Social Media Marketing, Survey Job, Affiliate Marketing and Etc" Ki Details Likhi Hoti Hai aur 2 se 3 Website Hoti Hai.

Toh Doston Problem Ye Hai Ke 1,500/- Rupees Leke Aap Sirf Job Ki Details Bhej Rahe Ho aur Explanation Bata Rahe Ho aur Wo Information Apko Bohat Easily Google Pe Search Karne Se Mil Jayegi.

★  Chain Marketing Ye Toh Meri Nazar Mein Sabse Zyada Fraud Wala Kaam Hai.

Chain Marketing Bohat Saari Companies Karti Hai Jaise Ke Ebiz, The Journey King, United Capital Club and Etc.

Iss Mein Sabse Pehle Apko Samne Se Call Ayegi ya Aap Quicker, Olx ya Nakuri.com Se Number Leke Call Karoge and Wo Apko Bolenge Direct Joining Hai aur Aap Week Mein 5,000 se 15,000 Tak Kama Sakte Ho.

Aap Jab Uss Address Pe Jaoge Toh Bolenge Ke Ye Ek Marketing Hai, Apko Online Advertisement Karna Hai aur Company Mein Dusre Logon Ko Joining Karwana Hai.

Apse Wo 4,500 se 18,000 Tak Registration aur Training Charges Mangte Hai aur Apko Olx, Quicker and Naukri.com Pe Account Bana Ke Dete Hai aur Apko Waha Job Ki Ads Post Karna Hai aur Jo Log Apki Job Post Pe Apply Karenge ya Apko Call Kar Ke Contact Karenge Toh Unko Convince Kar Ke Company Mein Joining Karwana Hai aur Jab Wo Log 4,500 se 18,000 Ke Beech Mein Koi Amount Pay Karenge Jaise 10,000 Toh Apko Uska 60% Milega aur Company 40% Rakhegi, Lekin Problem Abhi Khatam Nahi Huyi, Maan Lo Apne Unki Company Mein 10 Log Join Karwa Diye aur Total Amount 1 Lakh Huye Toh Usmein Se Apke 60,000 Hai Lekin Company Apko ya Toh Paise Nahi Degi ya Bolenge Paise Apke Account Mein Itne Itne Days Mein Aajayega and All, InShort Apko Fasaa Denge.

★  Issi Tarah Day by Day 1,000 se Lekar 1 Lakh Tak Fake Jobs Post Hoti Hai.

★  Itna Samjh Lo Ke Jo Apse Pehle Paise Mange Wo Fake aur Fraud Job Hai Sirf Apke Paise Khayenge.

★  Swiggy, Zomate Jaisi Online Food Delivery Ki Company Mein Bikers Ko Starting Mein 500 Pay Karne Hote Hai Wo Bhi Bag and T-Shirt Ke Liye aur Issi Tarha aur Bhi Companies Kuch Charge Karti Hai Lekin Wo Company Ek Acche Level Ki Hoti Hai, Aisi Company Jiska Naam Apne First Time Suna Wo Toh Obviously Fake and Fraud Hai.

Please Iss Post Ko Zyada Se Zyada Share Karein Facebook Pe ya WhatsApp Par Aur Dusre Logon Ko Inn Fraud Company Se Bachaye.